Rekomodacia taro Nacionalno Romano Konsilo trubul te ovel bašo ramosaripe telal afirmativne mere
0
Vakti: 1 min.
Dokumento katar Nacionalno Konsilo Rromane Nacionalne Minoritetosko si obligatorikano kotor katar konkursoski dokumentacija pala kandidatura save roden andre ande fakultetura telal afirmativne mere.
Foto: Shutterstock
Sar respòndo pal-o xramosaripen neve generaciaqo siklŏvnenqo anθ-e koleźură thaj universitètură anθ-i Srbia, maj but thaj maj but siklŏvne save si len rromani nacionalitèta si len intereso ani śajutnipen te xramosaren pes anθ-e afirmatìvo mere, save si dine anθ-e règulacie anθar o Ministèro vaś i edukacia thaj e uće siklăripnasqe institucie.
Ćaćipe te ramosaren pes telal afirmativne mere šaj te keren pes katar e kandidatura saven si rromano nacionaliteto, save inćaren e kondicie save si dine katar o fakultetosko konkurso, thaj jekh katar e majimportantne dokumentura ando proceso pala aplikàcia si i rekomandacia, vaj konfirmacia katar o Nacionalno Konsilo Rromane Nacionalne Minoritetosqo.
O Nacionalno Konsilo e Romengo akharel pe godji kaj akaja rekomodacija si jekhutni validno dokumento savo konfirmirinel e nacionaliteta e kandidatosko kana rodel pe admisija ko fakultetura telal specialne kondicije destinirime bašo membrura tari romani komuniteta.
E kandidatura save kamen te utilizin piro hakaj te xramosaren pes prekal afirmative mere musaj, khetane e avere aplikaciake dokumenturenca, te bičhalen ko vakti jekh mangipe pala rekomodacia e Nacionalne Konsileske, sar vi e trubujipaske personalne dokumentura thaj certifikatija pala edukacia.
Foto: Shutterstock
Premal e regule save kerena anav e studentongi telal afirmativne mere, e rekomodacia katar o Nacionalno Konsilo služil sar dokazi kaj si kotor katar romano nacionalno minoriteto thaj si obligatorikano kotor katar e dokumentacia kana kerel pes aplikàcia pala admisia ande koledžurja thaj univerzitetura.
Nacionalno konsilo apelirinela e siklenge ko agorutne klasia taro uče škole te kiden pe vakti o trubujipaske dokumentacie, te šaj te na oven problemia ano procesi e aplikaciako thaj ano hramosaripe.
E kandidatura šaj te len adikeripe informacije palo procedura palo dende rekomodacije, trubujipe dokumentacija thaj deadline direktno katar Nacionalno Konsilo Romano Nacionalno Minoritetosko, sar vi prekal oficijalno informacije publicirime katar fakultetura thaj Ministeriumo palo sićope.
O.V.