Nacionalne Konsìle e Minoritetonqe e Ministrosa pao finansiripe thaj reprezentàcia ano EXPO 2027
0
Vakti: 1 min.
Ano Palati e Srbiako ano Beograd adikergyola arakhibe e Koordinipesko e Nacionalune konsilyengo e nacionalune minoritetyengo, kote vakergyola sherune pucipya vash funkcionipe thay buti e konsilesko, sar ini planya vash avutno periodi.
Foto: Romanenevimata
Reprezentantura e minoritetenge komunitetengo resle pe pozicia kaj o rig e kulturako ka ačhol sar prioriteti vash finansiripe kotar o Budžetosko Fondo vash Minoritetno Programia thaj Proyektura ko 2026 bersh, te kerolpe maj dur e praktika kotar o bersh savo nakhlo.
Foto: Romanenevimata
Ano kedipe, sikavgyola kay o investipe ano kulturake programya reprezentinela o fundo vash te arakhel o identiteti, qhib thay tradicie e nacionalune komunitetyengo, numay ini yekh vasno kontribucia vash o generaluno kulturako imizhi e societatesko. Palo finansiribe putarde pe aver teme save si importantno bašo pobaro buti e nacionalne konsiljenge thaj po lačharipe olengere kooperaciako e instituciencar.
Palo Koordiniribasko bešipe ikergjape khedipe e Ministrija bašo manušikane thaj minoritetenge hakaja thaj socijalno dialogo, Demo Berisha. Ano vakeribe dende specialuno dikhipe vash avutni specializirime ekspozicia EXPO 2027, savi organizingyola e Srbiya thay kola ka anen yekh baro numbri e themengo ani lumia.
Foto: Romanenevimata
E EXPO reprezentya prezentingya shaipe vash te prezentingyon kulture, tradicie thay kreativiteti e minoritetune komunitetyengo ano akava mashkarthemutno eventi, kova sine evaluimo sar signifikantno shaipe vash mashkarthemutni promocia e diverzitetesko thay barvalipe e Srbiako kulturako barvalipe.
Ano kedipe lela kotor, ano anav e Nacionalune Konsilesko e Romane Nacionalune Minoritetesko, o Generaluno Sekretari e Konsilesko, o Bajram Morina.
Foto: Romanenevimata
Avilo konkluzia kaj o avutno periodo ka ovel dedikimo konkretno propozalonge thaj khetane inicijativenge po drom te sigurinel pes majbari participacia e minoritetenge komunitetengo ko importantno themeske projektia thaj maj dur te lačharel pes olengere vizibilitetura ko publikano than.
O.V.