Bućaripe, nevo treningo thaj sastipe: Mesura katar o Beograd te lačharel pes i pozicija e Romenge
0
Vakti: 2 min.
Ano vakeribe e Igor Jovanovićesko vice-prezidenti taro Beogrado forosko asamblea vakergjape importantno teme save si phangle e bućaripnasa e romane muršenge thaj džuvljenge, olengo nevo treningo, numa thaj lačharipe e džuvljikane sastipaskere arakhipnasko ano romane bešipnaske thana an i sasti šerutni foro.
Foto: Romanenevimata
Jekh katar ključne segmentura katar o vakeribe sas phanglo pala bućaripe Rromane muršengo thaj džuvljengo ande Beogradosko forosko transportosko kompanija. O Jovanović sikavgja kaj o foro Beograd pindžarel trubulipe te inćarelpe membria taro romano amalipe ano sistemi e publikane enterprzezengo, specijalno ano sektoria kote isi realno mangipe e butjarnengo.
- Butiripe ano GSP na mothavela numay butikeripe, numay ini seriozuno procesi e nevo treningosko thay adikeripe e treningosko, kay o kandidatya te len o manglo džanipe thay reslipe vash responsibilune butya ano publikuno transporti – akcentingya o Jovanović.
Specialno akcento sasa thodino pe retreining programura, save ka den šaipe e Rromane muršenge thaj džuvljenge maj lokhes te den andre po marketo e butjako, te avel len majbari siguriteta e butjarimaski thaj lungo vramaki ekonomikani stabiliteta. Pala leste, gasave programura reprezentuin jekh importanto paso karing e realo, na numaj deklarativno, inkluzia.
Ko dujto kotor vakeribasko vakergja pe bašo sastipaskere egzaminacie e romane džuvljenge, so kerena pe ko romane bešipnaske thana thaj sastipaskere centria ko teritorija taro Beogradeske komune. O Jovanović sikavgja kaj i prevencija si ključno, majbut kana si o lafi bašo džuvljikano sastipe, thaj kaj o foro Beograd suportirinel aktivitetija save si resle te keren majangluni diagnoza thaj te ovel len sastipaskere servisura.
- Sastipaskere kontrole ano korkore beshipaske thana, numa ini ano sastipaskere centria, mukhena e džuvljenge maj lokheste te resen ko doktori thaj te keren kontrola, bizo administrativno thaj logistikano pharipa – vakarga o Jovanović.
Ov vakergya kay res e akala aktivitetyengo sito te vazdingyol o gndipe vash o vasnipe e regularune preventivune dikhipasko, numay ini vash te zorargyol o pachape e romane komunitetesko ano sastipasko sistemi.
Ko vakeribe e vice-prezidentosa taro Beogrado forosko asamblea sikavgja kaj buti, sikljovipe thaj sastipa si o trin ključna stolpa te lačharel pe pozicija e Romenge thaj Romane džuvljenge, thaj kaj institucionalno suporto ko lokalno nivelo šaj te anel konkretno thaj meripe rezultatija.
O.V.