Romane žurnalistia vakerde e Themesko Sekretari Ninoslav Jovanović
0
Vakti: 1 min.
Ani organizacia e romane medijengo thaj e suportosa taro Telegraf ikergjape avdive importantno khedipe maškar reprezententia taro romane redakcie thaj raštrako sekretari taro Ministeriumi bašo buti, buti, veterani thaj socijalno bukja, o rajo Ninoslav Jovanović.
Foto: Romanenevimata
Sebepi taro khedipe sine putardo dialogo bašo akanutni situacija tari romani komuniteta ki Republika Srbija, sar ini bašo inicijativa te kerel pe i Romani Fondacija, fondi savi akana si ki faza legalno proceduraki thaj kaskiri adopcija adžikerel pe ko avutne masekja.
Foto: Romanenevimata
Ano kedipe sine buteder Romane redakcie kola informingyona thay dena zoralipe e Romane komunitetyengo olengo butikeripe:
- Radio-televizia Vojvodinako,
- Romanipen (RTS),
- Romano mediako serviso,
- Nacionalno Asocijacija Romane Žurnalistongi (NARON),
- Roman Nevimata,
- Telegraf.rs
O kotorleutne putarde pučle pučipa bašo statusi taro kanoni bašo fundavno Roma, transparenca ko implementiribe socialno inkluzijakere mere, kontrolakere mehanizmura taro fondija dende bašo rromano amalipa, sar ini trubujipe bašo majbari participacija e romane medijengo ko keribe publikane politikengo.
Foto: Romanenevimata
O raštrako sekretari Ninoslav Jovanović sikavgja kaj o fundosaripe Romane Fondacijako si jekh taro ključne prioritetija ko avutno periodi thaj kaj akava mehanizmo ka del šajipe sastipasko thaj institucionalno finansiripe e programurengo save direktno afektirinena po lačharipe e Romengo than ki Srbija. Ov akcentingya ini vash o vasnipe e kooperaciako e romane zhurnalistencar thay akhargya vash konstruktivuno dialogi ano interesi e komunitetesko.
Reprezentantura kotar e medije dende apelia kaj o romane žurnalistia musay te len aktivno rola ano informiribe e komunitetako, numay ini ano monitoripe thay evaluacia e implementipeski e themeske politikyengo phanglo e Romencar. Sas manglo vi sistemsko suporto pala e bući e romane redakciaki, save butivar funkcionirin bi stabilno finansirimasko.
Foto: Romanenevimata
Avdivesutni konferenca sas evaluirimi sar jekh drom anglal te kerel pes putardi thaj partnerikani komunikacia maškar e institucie thaj e romane komuniteta, e konkluziasa kaj o glaso e Romengo prekal e romane medije si trubujipe te šaj e inkluzijake politike te oven efektivno, ćaćutne thaj ande relacia e realne trubuimatenqe e komunitetosqe.
O.V.