Digitalno marketingo thaj online biznisi: REDI del zor e terne romen vash o marketi e butjako

Akava si ekzaktno so sine diskutirimo ki agorutni konferencia e projektesko Erasmus+ DIGI FAST, kote so avdive kidingya but terne participantya, trenerya, organizacie thay partnerya kotar o them thay avrialune thema.

 

Prekal o praktikano treningo, mentoripe thaj praktike, e terne manuša andar o projèkto sas len i śansa te barjaren specifikane źanimata and-o śerutno marketingo, te keren multimediàlo sasto thaj online biznèso — śajutnimata save si trubujipe and-o avdivesko butăqo marketo.

 

Barbara Jovanović, koordinatorka taro REDI Regionalno Biznis Centro vakergja:

 

- Amen sam loshake kaj shaj te avas jek kotar e shtar sherutne partneria save kerde akava projekto. Srbija, Rumunia, Litvanija thaj Ungriko them lije kotor. O projekto sas fokusirimo pe digitalno inkludacia e terne romane muršengi thaj džuvljangi. Amen sam but satisfikuime e resle rezultaturenca.

 

O Miloš Jovanović, biznis fasilitatori katar e organizacija REDI, akcentirisarda pe importanca katar e kooperacija thaj praktikano aplikacija katar e arakhle džanglimata:

 

- O programo Erasmus ande amaro them si inkerdo ande partnershipo kusa but organizaciji anda diferentni europake thema. Amaro res sas te zuraras e terne Rromen ando umal digitalno marketingo thaj te konektirisaras len e sukcesno kompanijenca kaj amare užitora kerde praktika thaj praktično aplikarinde piro džanglipe. O projekto nakhlas trin bersh thaj amen suksesosa reslam sa e planirime rezultatura. Trubulipe si te džal maj dur gasave aktivitetura te šaj e terne Rroma maj dur te barjaren pire džanglimata thaj te pozicionirinen pes pošukar po marketi e butjako.

 

O autori taro podkasti “Drom e antrepreneresko”, Žarko Savić, vakergja o durjaribe taro promoviribe taro sukcesno misal taro komuniteti:

 

- Mange si jek baro pacha ke savorren si te avel len shajipe te dikhen sukcesutni romane zuvlan thaj murshen kaj shuven penge biznesplanura ande buchi thaj si zurales suksesoske entreprenorura adjes perdal amaro podkasto „O entrepreneurs drom”.

 

O Igor Ćuzović, šerutno redaktori taro portalo Telegraf.rs thaj o Aleksandar Nedeljković, dujto redaktori taro portali Romanenevimata.rs vakergje bašo rola e medijengo ko procesi taro integriribe e romane jekhinake.

 

O Ćuzović phenda:

 

- Me dav andre intregone jilesa ande kadi zurales kravoski kevnia savi si o ghindo te vazden opre positivni exemplura pa rom ande media. O avutno buti si te inicirinel pes o sankcioniribe e medijengo thaj e individuengo save so kerena diskriminacia e romane jekhinake thaj buvljaren negativno stereotipia. Bibahtake, isi panda but asavke egzamplura. Mire amala kotar o Romano komuniteti maren pe akava desave bersha, a amari buti, sar membrya kotar o majoritetno populacia, si te suportina olen thay te azhutinen olen ano sakova shaipe.

 

Aleksandar Nedeljković vakergja bašo buti e portalesko Romanenevimata.rs, jekhutno informativno portalo pe romani čhib an i Evropa savo džala palo sa e socio-politikane teme an i Srbija thaj o regiono:

 

- Pe amaro portalo shaj ginaves ruzni nevimata thaj informacia, katar o sporto zi kaj e sociopolitiska tematura. Nisar nane lokho, numa amen zumavas te arakhas profesionalizmo thaj korektno ano raportiribe. Naisaras e bare suportoske e kolegurenqe katar o Telegraf, amen reslăm te inkras i reputacia savi reslăm anθ-e palune duj berśa, sa kadă so si amaro portalo. Kodo so amenge mankil si e terne romane mursh thaj djuvlja save vorbin piri dajaki chib thaj kamen te keren buchi ando journalistika. Amen sam putarde svakone olendar thaj ka ovel amen baht te trenirina olen te keren buti an o digitalno medie thaj te den kontribucia khetane ki integracia e Romengi.

 

O projekto DIGI FAST pale jekhvar konfirmisarda kaj o digitalno alfabetizacia šaj te ovel zuralo instrumento vash ekonomikano zuralipe e ternenge thaj te ciknjarel pes e socialno diferencie. Pe agorutni konferenca prezentingyola o resle rezultatya thay inspirativune paramiche e participantyengo, thay o organizatorya dena pe janipe vash o duryaripe e gasave programyengo ano avutno period.

 

O.V.