"Herdeljezi - O glaso e romengo": Jekh baro romano muzikako festivalo avel ando Berkeley

Baro mashkarthemutno romano festivalo “Herdeljezi – Glaso e Romengo” ka adikergyol pe 2-to majo 2026.bersh ano Ashkenaz Kulturako Centro ano Berkeley (USA),vakergyape ano ofisionaluno ankeripe e eventesko. O festivalo si koncipirimo sar festuipe e romane tradiciake prekal i muzika, kheliba, edukacia thaj putarde vakeribe baši kultura thaj manušikane hakaja.

 

O festivalo „Herdeljezi“ si kombinàcia e artistikane performàncenqi thaj e interaktivo programurenqi, specialo akcentosa anθ-o arakhipen e rromane kulturaqe barvalipnasqo thaj lesqi importanca anθ-i moderno lumja.

 

O organizatorija anuncirinena o performanse taro prominentno muzikantija ko programi, kote so o Ismail Lumanovski si lumijako pindžardo klarinetisti thaj jekh taro maj rodinde interpretora tari balkansko thaj romani muzika. Ko leste ka aven membria taro Ensemble Meraklii, sar ini performancura Chris Bajmakovic, Hristina Ilioska, Benji Rifati thaj Rumen Sali Shopov.

 

Paše koncertno kotor, ano festivalo inćarel vi instrumentalne thaj giljavimaske workshopura, bipoćindo khelibasko workshopo, sar vi panelo diskusia pala romani muzika, kultura thaj manušikane hakaja, savi ka ovel putardi sa e vizitorenge.

 

“Akava sitoy yekh unikaluno shaipe vash te shuna thay te festuina o barvalipe e romane tradiciako prekal artya thay janipe. Amen mangava ‘Herdeljezi’ te ovel yekh platforma kova na numay promoviringyola e artistyen, numay ini te inkurajingyol dialog vash vasne pucipya vash identiteti thay hakaya”,vakergya e organizacia.

 

O festivalo si realizirimo ko kooperacia e Berkeley Balkan Bacchanal-esa, jekh maškarthemutno kulturako programo savo vazdel e Balkansko muzika thaj tradicie ande Amerikake Jekhethaneske Thema.

 

E organizatora den godĭ kaj anθ-i sasti història, e rromane muzikanturǎ sas o kljućno portàtorǎ vaś o kulturalo dialogo thaj o kreativo paruvipen maśkar e diferentne manuśa. Kava festivalo, von phenen, zurarel kodi rola thaj akharel e publika te haćaren thaj te respektuin o romano identiteto prekal o arto.

 

O intjaripe ko but workshopia thaj diskusie ka ovel bipokinipesko, a o biletija vash koncertia ka oven rezervirime anglal soske si limitirimo kapaciteti e thanesko.

 

O Romano festivalo "Herdeljezi" si kotor kotar ekh majbari globalno scena savi so majbut afirmirinela i Romani muzika sar integralno kotor kotar e akanutni muzikaki ekspresija — kotar e tradicionalno motivija dzi ko moderno fuzije e djazosa, lumjaki muzika thaj pop elementencar.

 

O.V.