Terne garavne e romane tradiciake šuvgje ko Deronje: O šovto "Dive e romane muzikake"

O evento, kerdo kotar o Romano Kulturako Centro, pale jekh drom sikavgja kobor si importantno te barjarel pe o kulturako barvalipe e Romengoro thaj te del pe šajipe e terne talentenge te prezentirinen ole ko majbaro publika.

 

Akale beršesko programo si putardo katar o Zoltan Kuldić, asistento pokrajinako sekretari pala kultura, publikani informacija thaj relacije e religikane komunitetonca palo kotor fikulturako nacionalne minoriteturengo, dži kaj pe manifestacija sas o Željko Radu, direktoro katar o ofiso pala romani inkluzija, sar vi Jelena Jovanović, pokrajinako deputato.

 

Programosko centralno kotor perel e talentirime čhavenge katar nekobor thana ande Vojvodina, save giljasa thaj muzikasa prezentirisarde o barvalipe e romane tradicijako. Olengere performanse kerde buteder aplausura kotar e publika, konfirmirindoj kaj i romani muzika isi la šukar avutnipe naisaripe e neve generacienge performanconge.

 

O evento kerel pes e cilosa te arakhel pes o romano muzikalno barvalipe, te afirmirinel pes e terne artistora thaj te promovirinel pes o kulturako identiteto e Romengo. Ko jekh, vov del kontribucia te zurarel pes o jekhutno xatjaripen thaj o respekto vash o diverziteto prekal i muzika, savi ačhel i universalno ćhib sa e nacienqi.

 

Prezidenti taro Romano Kulturako Centro, Stevan Jovanović, sikavgja kaj o “Dive taro Romano Muzika” kiden sakova berš majbaro numero taro kotorleutne thaj vizitora.

 

- Amen sam godǎver ke kadava kedipe barǒl thaj kerdǒl jekh prinʒardo khedipnasqo than vaś e terne talentǎ thaj e amalenqe vaś i rromani kultùra. Amaro res si te arakha i barvali muzikaki tradicia thaj te nakhas la e avutne generacienge, soske o terne reprezentirinen oleski majbari zor – vakarga o Jovanović.

 

Jek specialno momenti tari večera sine prezentiribe e muzikake instrumentencar e majterne kotorleutnenge, save dende kotar o Manuel Ristic thaj o Goran Stanković – Gorilla. Palo odova, duj muzikantija avile ko programi thaj maj dur te lošaren e publika dži ko raćate, e mesažosa kaj ka den maj dur suporto e aktivitetencar kotar o Romano Kulturako Centro.

 

O evento si kerdino e Pokrajinako Sekretariato vash Kultura, Publiko Informacia thaj Relacie e Religiozno Komunitetencar, Nacionalno Konsilo Romano Nacionalno Minoriteti, Lokalno Komuniteti taro Deronje thaj Asocijacia e Rajutnenge "Tambura ko Srce taro Deronje", kola but berša den suporto e proektencar saven isi res te arakhen thaj te promovirinen i kultura e Romane.

 

O.V.