Vakti: 2 min.
Pedagogikane asistentura - jekh stolpo e inkluziaqo: Edukàcia projèktosko "Baripen e diverzitetosqo"
Vakti: 2 min.
Pe parashtune, 19. decembri ano Niš ikergyape peer-to-peer workshop vash sikavne asistentya kotar o jugo e Srbiako, sar kotor e proyektesko “Barvalipe e diverzitetesko - Faza II”.
Foto: Romanenevimata
Kava evento andas khetane buteder asistentura andar averčhande lokalne thana, areslimasa te khetane dikhen pe efektivne mere te ciknjaren o mukhipe e Rromane studenturengo andar edukaciako sistemo.
O workshop sine organizirimo taro Nacionalno Asocijacija taro Pedagoške Asistentija – NAPA, ki kooperacija e Nacionalno Konsileja taro Romano Nacionalno Minoriteti, thaj finansijsko suporto taro Ministeriumi baši Edukacija tari Republika Srbija.
Foto: Romanenevimata
O khedipe putardo e baxtagoreske lafencar kotar o Dalibor Nakić, prezidento kotar o Nacionalno Romano Konsilo, o Božidar Jovanović, prezidento kotar o NAPA, o Dejan Memetović, nacionalno koordinatori kotar o asocijacia, thaj o Momčilo Mutatović, membro kotar o Bordo e NAPA-ko.
Pe vahti e workshopesko, diskutiringyona o sherune pharipa kola pedagogikane asistentya arakhena ano olengo sakodivesutno buti - kotar o bi sistemsko suporti, prekal lokalune bariere, ji ko panda na klaro butyako-legalno statusi.
Palo odova, o participantya sinelen shaipe te paruven pozitivune misalya kotar e praktika, kote akcentingyona o vasnipe e lokalune mehanizmyengo thay kooperacia e skolencar, dadalarencar thay komunitetyencar.
Foto: Romanenevimata
Gasave khedipa si len buteder importanca - na numaj vash o netvorko thaj profesionalno barjaripe, numaj vi vash o definipe e rekomendaciengo vash e relevantne institucie. Butivar si e pedagogikane asistentura o angluno phanglipe e inkluzijako, maj but kana kerel pes lafi pala e romane čhave save arakhen pes e čorripesa, e čhibjake barieresa thaj bi suportosko khere.
O projekto "Balvalipe e Diverzitetosko - Faza II" thovel len ando fokuso, pindžarindoj kobor si importantno lengi rola te kerel pes edukaciako sistemo savo na ekskludiril, numaj del zor.
O Nacionalno Romano Konsilo vakergja kaj ko avutno periodi, ka lundjarol zoralo advokati bašo lačharipe e edukaciakoro thaj sistemsko regulacia taro statusi pedagoške asistenturengo, sar jekh taro ključno instrumenti ki inkluzia e romane čhavenge.
Foto: Romanenevimata
Workshopi ano Niš reprezentinela importantno paso ano odova drom - sar than vash paruvipe, suporto thaj khetane dikhipe e soluciengo vash yekh may barabar avutnipe.
O.V.
