Jekh komemorativno khedipe dedikimo e prof. dr Dragoljub Acković ani Galeria ERIAC Srbija

O khedipe sine organizirimo taro Evropako Romano Instituti bašo Arto thaj Kultura (ERIAC) Srbija thaj Kher bašo Romano Kultura (HORC), thaj kothe avile buteder asociirime, amala thaj admiratora oleskere bukjake.

 

O programo startujngja ko 16. Palo gilavipe e romane nacionalune himnesko, o Petar Nikolić, lungo vahtisko žurnalisti thay redaktori e romane redakciako ano RTV, kergya putardo vakeripe, kote vakergya vash o Ackovićesko bisterdo angazhipe ano maripe mamuj diskriminacia thay vash arakhipe e romane identitetesko.

 

Ande programosko maj dur vorbisarde amala thaj kolege save pindžarenas thaj kerenas buti e Dr. Ackovićesa. O drago Ristić, muzičari thaj artisto, Dr. Krinka Vidaković Petrov, direktori taro memoracijako centro “Staro Sajmište”, Dr. Biljana Sikimić taro Departamenti bašo Studija taro Romano dživdipe thaj običaja ko SANU, sar ini dramaturgo thaj žurnalistka Ivona Ivković vakergja bašo oleskoro dživdipe thaj buti.

I Nada Greku, an i rola sar gazda, prezentirisarda vi jekh kotor taro arxivo savo mothovel o importanca thaj o spektro e bućako e Prof. Dr. Dragoljub Ackovićesko, thaj odola so si kidine sine len šajipe te dikhen jekh video inserti dedikimo leske dživdipaskoro drom.

O khedipe agorisalo simbolikane, lafija taro baht thaj bisterdipe, e mesažosa kaj i buti e prof. Dr. Acković ačhola permanentno inspiracia savorenge kola maren pe bašo jekhipe thaj digniteti e Romengoro.

 

O komemorativno khedipe ikergja pe ani atmosfera e respektesko, dignitetune arakhadipaske e manusheske kova, piri buti, anela dolgo na numay e romane komuniteteske, numay vash o sasto srbyuno amalipe.

 

O.V.