O seminari ano Niš anela khetane sikavnen tari romani čhib tari sasti Srbija

Duj diveseskoro seminari ikergja pe ko Niš taro 8-to dži ko 10-to juli, reslo profesionalno treningo thaj zoralipe e kompetenciengo e sikavnenge rromane čhibjake, organizirimo taro Nacionalno Asocijacija taro rromane čhibjakere sikavne thaj Nacionalno konsilo taro rromano nacionalno minoriteti.

 

O kedipe putargjape jekh minuta taro ćućipe an i memoria taro nevo mulo Dr. Dragoljub Acković, jekh taro majimportantno intelektualcura thaj maribaske manuša bašo Romane hakaja an i Srbia.

 

Ano seminari vakergja o prezidento taro Nacionalno konsilo taro Romano nacionalno minoriteti Dalibor Nakić, juristikano reprezenti taro Asocijacija Zdravka Simić, lokalno reprezentanto taro Niš Dejan Memetović, sar ini Svetislav Jovanović, direktori taro Romano Kulturako Centro ko Niš.

 

20 sikavne tari romani čhib taro ververutne kotora tari Srbia, kola ko duj dive sinelen shaipe te ulaven eksperienca, te diskutirinen o pharipa ko sikavipe, sar ini o importanca tari čhib bašo arakhibe taro identiteti tari romani komuniteta.

 

O seminari sas organizirimo ande relacia e Regulaciasa pala profesionalno treningo thaj progreso ande profesia e sikavnengo thaj profesionalno asociirime. Ko vakti e butjako prezentirimo o beršesko plano taro Nacionalno Asocijacija taro Romane čhibjakere sikavne, definiringja pes o cilja thaj misija tari organizacija, sar ini o operativno plani taro aktivitetija bašo avutno periodi.

 

E kotorleutnenge sas vi prezentirime Certifikatija pale kotorleutnipe ande somnali škola pala rromani čhib, savi sas majanglal kava berš ando Divčibare. O organizatora dine evaluacia kaj o khedipe sine ekstremno sukcesi thaj anketirine neve edukaciake thaj profesionalno khedipa e resarincar maj dur te vazden o sikavipe e romane čhibjako ano edukaciako sistemo e Srbijako.

 

O.V.