O Partizan si pale ko TOP 10
0
Vakti: 1 min.
Akate si sar dikhel pes o ranglipe e Euroligako palo viktorija e kale thaj parne ki Italia.
Partizansko basketbolisti resle jekh importantno viktorija ki Bologna, jekh kotar e majimportantno ki Euroliga akava sezono, thaj palo so marde e Virtus e skorosa 81:71, von irisajle ko TOP 10 ki Euroliga!
E kale thaj parne akana si len jekh skor 13:12, sa kodo sar o Real thaj e Olimpia katar o Milan - e Italianura si pe 11-to than soske si len maj slabo skor thaj poènte diferencija. Thaj o Partizan si po injato than...
Khanchi na parudjilo ko shero, kana avel ko anglune trin ekipe. O Olympiacos njerisardas o Paris avri thaj si les jekh skor 18:7, o Fenerbahce ačhilo 16:8 (jekh matcho maj tikno), kana o Monaco triumfisardas mamuj i Baskonia te avel les jekh skor 16:9.
Foto: Rezultati.com
Palal kodo xasaripen karing le liderura, o Paris reslo pe eftato than e skorosa 14:10 (jekh matcho maj tikno), thaj pe śtarto, panźto thaj śovto si o Panathinaikos, o Red Star Beograde thaj o Bayern e 15:10.
I Barcelona phagerdas e Maccabi thaj si pe oxtoto than 14:11, a o Partizan thaj o Real, sar phendam, si pe 9-to thaj 10-to than 13:12. Anadolu Efes thaj Zalgiris si telal lende e skorosa 12:13.
O kale thaj parne ka phanen o dujto krug pe parashtuj, kana ka len o Monako, thaj numa jekh dikhipe pe tabela sikavel mishto so shaj te ovel viktorija vash e ekipa e Željko Obradovićeski.
A.N.