Jekh koordinàciaqo kidipe palo suporto vaś e irisardine manuśa palal i readmisia
0
Vakti: 2 min.
Reprezentantia e instituciengo, maškarthemutne organizaciengo thaj e romane khedinake diskutirinena bašo lačharipe e reintegraciako e irinde manušengo thaj zoralipe e interinstitucionalno kooperaciako.
Foto: Romanenevimata
Avdive ano Beograd adikergyola koordinipesko kedipe dedikimo vash suporti vash irinde manusha bazirime ano Readmisiako Akordo, organizimo kotar Komisari vash Nashutne thay Migracia e Republikaki Srbiya thay Germanikani Organizaciya vash Mashkarthemutni Kooperaciya – GIZ.
Foto: Romanenevimata
O kedipe ikergyola sar kotor e “Programesko vash reintegripe e irinde manushengo bazirimo ano Readmisiako Akordo 2025-2026”, kova adoptingyola kotar o Gavermento e Republikako Srbiako, resarindo te laqharolpe koordinipe mashkar institucie, mashkarthemutne organizacie thay civilune organizacie kola dena suporti e irinutnenge.
Ano introdukciako kotor e kedipasko, e kotorleutnenge vakerde e Aleksandra Lakićević, programesko menadžeri e programesko GIZ ZME, o Miloš Mihajlović, šerutno e Departamentesko palo primarno primipe thaj ćerdipe e hakajengo e irinde manušengo palo readmisija ko Komisariati bašo našutne thaj migracija, sar ini generalno sekretari taro Nacionalno Minoriteti e Rromengo, Morina Bajram.
Foto: Romanenevimata
Ko vakeribe vash pharipa kola nakhena o irinutne palo irisaripe ani Srbiya, Morina sikavgya kay yekh signifikantno gendo e irinutnengo siton membrya e Romane nacionalune minoritetesko, kola butivar arakhena problemya ano kotor e edukipesko, butikeripe, sastipasko thay socialuno arakhipnaskoro, beshipe, thay akseso vash personalune dokumentya.
Vov akcentirindas kaj e institucionalno kooperacia si la ključno importanca vash suksesoski reintegracia e irisardine manushengi thaj te del pes kontinuiteto e suportosko vash e maj vulnerabilno kategorie e populaciake.
Foto: Romanenevimata
Pe vahti e kedipasko prezentingyola aktivitetya e Komisariateya vash Nashutne thay Migracia e Republikaki Srbiya, disponibilune publikune akharipya thay servisya dende vash irinutne, sar ini planirime suportune mere kola ka oven realizuime ano avutno periodi. Specialo akcento sasa thodino po zoralipe e kooperaciako maškar themeske institucie thaj civilo amalipaske organizacie po drom te kerel pes o proceso pale reintegraciako ande lokalne komunitetura maj efikasno thaj dureder.
Foto: Romanenevimata
Nacionalno Konsilo Romano Nacionalno Minoritetosko maj dur ka lel kotor aktivno ande buti Bućarimasko Grupa pale Reintegracija pale irindine manušengo bazirime po Akordo pale Readmisija, sar vi ande aver inicijative save kamen te lačharen i pozicija e irisarde manušengo thaj lengi maj sukcesutni socijalno inkluzija.
O.V.