E džuvlja kerde kampanja "16 divesa maripe mamuj o maripe mamuj e džuvlja" ando Novi Sad
0
Vakti: 1 min.
Sar kotor katar e maškarthemutni kampanja "16 divesa maripe mamuj bilačhipe mamuj džuvljija", ando Novi Sad thaj oleske trujalipe kerdape serija workshopura, organizuime thaj legarde katar romane džuvlja andar lokalno komuniteto.
Foto: Romanenevimata
E aktivitetura sas kerdine te informirinen e džuvlja pala pire hakaja, te pindžaren pes diferentne forme e violenciake thaj e šajimata pala protekcia thaj suporto.
Prekal o vakeribe, edukaciake khedipa thaj o paruvipe personalno eksperiencako, o kotorleutne sinelen šajdipe te vakeren putarde bašo problemia so arakhena pe ano siguruno than, numa thaj te len specifično informacie bašo institucie thaj organizacie kote šaj te roden ažutipe. Specialno akcento sasa thodino te inkurajisarel pes e džuvlja te den raporto pala violencia thaj te na mukhen pes korkore ando proceso e protekciako.
E organizatora sikaven kaj si importantno kaj o mesažo avel katar e komuniteta korkori, soske o patjavipe maj lokhes vazdel pes katar o jekhutno suporto thaj haćaripe. Ko vakti e workshopengo vakargja pe ini o prevencia e violenciaki, e rola e familijaki thaj o importanca te edukinen pe terne manuša bašo jekhipe thaj respekti.
Kampanja „16 divesa maripe mamuj bilačhipe mamuj džuvljija“ ano Novi Sad si implementirimi beršenca e suportosa taro Foro Novi Sad, savo kontinuitetno del suporto e aktivitetenge save si resle te arakhen e džuvlja thaj te vazden o džanglipe bašo gender-bazirimo maripe.
O organizatori vakerel kaj o maripe mamuj o maripe si lungovakteskoro proceso savo mangela khetani akcia e institucienqi thaj e komunitetosqi, numaj vi kaj sakova vakeripe thaj sakova edukacia reprezentirinel jekh paso majpaše ko majsigurno ambienti sa e džuvljenge thaj čhavorenge.
O.V.