Ekonomikano zuralipe e terne Romengo si fokuso e REDI organizaciaki buti

O suporto e terne romane muršenge thaj džuvljenge te astaren džanglimata, džanglimata thaj korkorropaćavipe te den pe ko marketi e butjako si jekh taro ključne cilura taro Romano Ekonomikano Barjaripe Inicijativa - REDI. Amen vakergjam bašo rezultati taro akava beršesko buti thaj plania bašo avutno periodi e Žarko Savićea, koordinatori taro Romano Biznis Klube.

 

Sar mothoda o Savić, ano akava berš intenzivno kergja buti o REDI e ternencar kola mangena te oven ekonomikane biphangle, jali prekal buti jali prekal startiribe piro biznisi. E programura sas kerdine te barjarel pes praktikano džanglipe, te haćarel pes o marketo e butjako, numaj vi te zurarel pes o paćape ande peste, savo si butivar ključno ando proceso profesionalno barjaripe e terne romane muršengo thaj džuvljengo.