Edukàcia anel jekh maj sekurno rromani famìlia
0
Vakti: 1 min.
Ko 12-to Novembro o Romano Ternengo Centro organizirisarda edukativno workshop savo si dedikuime te zurarel pes o sekuritato thaj protekcija ko Romane familie, ko kooperacija e Ministerijasa vash Familijaki sama thaj demografija.
Foto: Ćidinipe e Romengo "Beočin"
I manifestacia ikerdilo pe tema "Edukacia, prevencia thaj prevencia tari violencia ko Romane familie", a o workshop sine legardo kotar ekspertia taro Ministeriumi bašo andrune bukja, Stanica e Policiake Beočina.
Areslipe e aktivitetosko sasa te vazdelpe o džanglipe e romane muršengo thaj džuvljengo pala e importanca te nakhavelpe e violencia, te pindžarenpe rizikuime situacije thaj te nakhavenpe e stereotipura, predrasude thaj diskriminacijako phiripe. Jekh specialo fokuso sas te vazdel pes o stavi savo inkurajil egalutne hakaja thaj responsibilitetura and-o kher, jekh egalutno ulavipen e butjako bizo dikhipe e genderesko, sar vi te haćarel pes so si violencia — thaj sostar si importanto te raportisarel pes.
Foto: Ćidinipe e Romengo "Beočin"
E policiake reprezentantura prezentisarde e participanturen konkretno pasura sar te pindžaren e violencia, sar te reaguin thaj sar von šaj sigurno te den raporto e kazusoske e kompetentne institucienge. Von vakerde vi vash o bijav thaj e familija, e rola e ternenge ano sastipe e familijake relaciengo, sar ini e disponibilno konsultaciake centrura thaj institucie save shaj te den suporto ano krizake situacie.
O workshop sine kerdo vash o romane murša thaj džuvlja maškar e berša 18 dži ko 40 berša, thaj o evento sasa suportirimo thaj pokrajinako deputato Jelena Jovanović, koja akcentirinela o importanca taro asavke programija ko lačharipe e siguripasko thaj kvaliteto e dživdipasko e romane komunitetosko.
O organizatora vakeren kaj i edukacia si ključno drom te kerel pes majsigurno ambienti sa e membronge taro romane familije thaj kaj asavke aktivitetia ka lundjaren pe ko avutnipe.
O.V.