Sherutne thaj organizacie kotar e 20 thema ikeren o Lumako dive e Romengo
0
Vakti: 1 min.
I maškarthemutni konferencia an o Skopje anel neve inicijative palo inkluzipe thaj zoralipe e pozicijako e romane komunitetosko.
Foto: Romanenevimata
Pe lumiako dive e Romengo, savo festuinel pe 8-to aprilo, ano Skopje ka ikerel pe maškarthemutni konferenca savi si dedikirimi te lačharel pe i pozicija e romane komunitetaki, te zurarel pe institucionalno kooperacija thaj te paruvel pe lačhe praktike kotar sasti Evropa.
O evento si organizirimo kotar o kabineti e ministresko bizo portfolio kova si phanglo e integraciasa thaj implementacia e Strategijaki vash inkluzia e Romenge 2022-2030 ani Utarali Makedonia, thaj adjukerena te aven reprezententia taro institucie, mashkarthemutne organizacie, na-governamentalno sektori thaj medie taro pobuter taro 20 Evropake thema, mashkar lende Srbija, Montene, Ungrika, Krokia i Čehikani Republika, i Slovakia, o Njamco, i Austria thaj i Belgia.
O centralno kedipe ka ikerel pe 8-to Aprilo, e festivno programosa kote so ka oven vakeriba kotar uče rangjarde manuša, sar ini kulturako thaj artistikano kotor dedikerimo e romane tradiciake thaj identiteteske. I konferènca ka źal maj dur 9-to Aprilo anθ-e butăqe sesie, butăqe thana thaj treningură save si fokusime anθ-e śerutne rigărde e Strategiaqe - edukacia, buti, beśipen thaj sastipen.
Specialno akcenti ka del pe rola e ternenge, medijengi thaj maškarthemutni kooperacia ano procesi taro inkluzija. Ko akava kontèksto si planirime vi tematikane workshopǎ, save ka anen khetane e eksperton thaj e reprezentanturen e rromane organizacienqe kotar o regiono thaj i Evropa.
O organizatorija vakerena kaj o res e konferencijako nane numa te markirinel pe importantno data, numa thaj konkretno te lačharel pe politike thaj mehanizmura save den kontribucija bašo pošukar pozicija e Romengi ko amalipa.
Akava kedipe ano Skopje pale yekh ver konfirmingya kay regionaluni thay Evropaki kooperaciya sito kljuchi vash te reslol duryaripesko rezultati, sar ini kay Romano inkluzipe achola yekh kotar o vasne prioritetya ano procesi vash te vazdingyol yekh may shukarno thay may barabarno amalipe.
O.V.